ثلاثين شمعة

برد وسهر وهموم في يوم ذكــــــــــــراه ***** ويا الشموع اللي كست كل غرفـــــــــة
ثلاثين شمعة والعمر صار يضمــــــــاه ***** عقب الغرام يحمل القلب رجفــــــــــــة
مر أشوف الشمع وأحيان ملقـــــــــــــاه ***** ومرٍ أشوف نور والحب خلفـــــــــــــه
صرت أتوهم ليلة العيد ويــــــــــــــــــاه ***** وكل الزوايا تحسب العزف عزفــــــه
نفس الطرب والشمع والبرد وغنـــــــاه ***** وأغلى الهدايا ساكنة تحت سقفــــــــه
أهدي لنفسي وأبتسم من هديـــــــــــــاه ***** أحسب خدوده شمع والشمع كتفــــــه
بعض الشعر وكتاب حب ومناجـــــــــاه ***** خلت حياتي لهفة فوق لهفـــــــــــــــة
عطره وسط كفي مع ورد يهـــــــــــواه ***** كانت علامة حب مخلوق صدفـــــــــه
يهواه شعري والشمع صار يقـــــــــراه ***** وعلة دموع الشمع خطيت حرفـــــــه
أنسى الزمان اللي تركني بليــــــــــــــاه ***** وأنسى ظروف اللي بكت يوم حتفـــه
أركض ورى صبحه واتعثر بممســــــاه ***** وأحس رجلي ضايعه وسط كهفــــــه
نفس المكان اللي نسانا ذكرنــــــــــــــاه ***** يوم لقيته في العمر صار تحفـــــــــه
في عيده الثلاثين بالروح نفـــــــــــداه ***** وثلاثين شمعة نورت كل غرفــــــة

صح لسانك واعذرني يا حبيبي والله لا افهم في الشعر ولا اعرف الاحساس الي تكلم عنه الماجد

ههههههههههههههههههههههه يكفيني إنك مررت من هنا وسجلت حضورك وهذا بحد ذاته شعرا

وعلى فكره وش معنى صح لسانك؟

صح لسانك = صح النوم ... احس بينهم قرابة ... خخخخخخخخخخخخخخخ

خخخخخخخخخخ ما تبعد منها كلها فيها صح ههههههههههههه

تحياتي لك