ذلوووووووووول القصيد ..

هذه المشاركة اهديها الى جميع اعضاء وزوار منتدى حلف الاشاوس ..
وهي عبارة عن استهاضة من احد الاخوان حيث يلوم علي كثر السفر فكلما اتصل علي وجدني مسافرا ..وذات يوم اتصل بي وكالعااااااااااااااادة كنت على سفر فارسل لي هذا البيت على الجوال/

ذلولك يالقصيد تنوخ وراعي الذلول يسوق=ليا طروا السفر شد الرحال وشال مشعابه

فكانت هذه القصيدة ردي عليه ..وهو بالمناسبة مشرف على احد المنتديات الادبية المعروفة بالمملكة ويكتب بلقب (منازع) وقد ضمنت اسمه في القصيدة لأنه كان يعتب علي عدم المشاركة معه وقد نشرت هذه القصيدة في ذلك المنتدى..
أقـــــــــــــــــــــــــــــــول///::

===---------------===
تقفّيت الذلول اللي شعبها للرحيل الشوق=تبي ضلع ٍ زما في الصدر للضيـــــــــقات مرقابه

واخِيْل من الهجوس اللي لها فوق الكنين بروق=مَخَال الشاوي اللي يبْس بين يديه مشرابه

نحرت من القصيد اغلاه واجرّه على الطاروق = اهزبه الخفوق اللي تعنـّا القـــــــاف باسبابه

واسوقه (يامنازع)للوله يوم الشفاه حروق = يشققها ظما ذيك الجراهيد بتقلابه

واشوف الخيمة السودا سما فيها النجوم شقوق = خلقها الله تفاكير وعبر والنفــــس غلابه

ليا حطيت مشعابي على كتفي وسقت النوق = قطعت بها فجوج الفكر من بابه ليــــــــا بابه

اسامرها واشب لها ظلوع الواسع المفهوق = واهيجنها ليا مالت على حرفي ومرتــــــابه

لك الله (يامنازع) ماقنصت الا سواد الموق =ترى ذيب الخلا رزقه على نابه ومخــــــلابه

انطـّحها الهبوب ان ساقت اقدار الولي برفوق =والا حادت نصيت اللي ابد ماخــاب طلابه