يوميات رفعت وأبوه عوضين وأمه محروسة

**مجرى** الإثنين مارس 16, 2009 2:06 am

الحلقة الثانية :

النهاردة يا ولادى هكملكم قصة رفعت وأبوه عوضين وأمه محروسة والحمارة زكية المنباعة
صلوا بينا على النبى عليه أفضل الصلاة والسلام
رفعت بعد ما زهق من إيكاريام وأصدارها الجديد حول دماغه ناحية البلاى ستيشن والفيديو جيمز والأتارى عشان يعرف يفوق ويفكر كويس هيعمل أيه ، بس وهو جاعد يفكر ويدورها فى عقله جطع حبل الغسيل افكاره يووووووووووه أجصد جطع حبل أفكاره أمه محروسة وهى بترزع على باب الزريبة تدخل تشوف البهيمة اكلت الكسب والبرسيم ولا لع .
رفعت : يووووووووووه عليكى يا ام رفعت مش تخطبى بحنية شوية وانت داخلة .
محروسة : يا حلاوة يا ولاد الواد بجت ودانه ناعمة وكلها حنية زى فلورا .
رفعت : يا اما انا مجصدش حاجة انا اقصد خبطى بشويش بالراحة حرامى عليكى ودانى اتخلعت من مكانها .
محروسة : جوم فز يا روح امك انت جاعد كده ليه بتلفز ولا بتروش قوم ياولا روح خد البهيمة دى واسحبها عند ابوك فى الغيط عشان تسرح شوية فى القيراطين اللى حيلتنا .
رفعت : ( فى سره ) يا ابويا عليك يا ابا انت تستاهل جايزة افلام السكر بتاعت هاليود انك استحملت امى دى 34 سنة .
محروسة : انت متنح ليه ياواد انت فى ايه مالك انت انطرشت يا جعر اجرى انجر ورا الجاموسة .
يا ميلة بختك يا محروسة حتى الواد بجى يعرف يعنى أيه أوسكار
بكرة يطلع الجمر وياخد معاه إيكاريام والجاموسة
وانت وابوه تجعدوا جنب الحيط وتسمعوا
الزيطة